يا دكتور ركبتي فيها خشونة متقدمة وبالكاد قادر ااقف فمابالك بالمشي.. انا في منتصف السبعينات من عمري وحالتي الصحية مش هاتسمحلي اعمل عمليه كبيره لتغيير مفصل الركبة تقدر تساعدني؟
شكوى شائعه جدا بنشوفها من مرضانا كبار السن اللي فاتهم الوقت الأمثل لعمل عمليه تغيير مفصل الركبة بشكل آمن.
نقاشي معاهم دائما بيكون حوالين ازاي نفضل ايجابيين في تفكيرنا
-وجود تلف وخشونة في مفاصلنا جزء أساسي من طبيعتنا كبشر بالتالي فضروري اننا لا نقسو على أنفسنا لنا ده يحصل ولازم دايي٢ما يكون تركيزنا على المحافظة على هامش مقبول من جوده الحياة والحالة الوظيفية بشكل يومي علشان كده ورغم الألم بيظل الالتزام ببرنامج تأهيلي مناسب للمحافظة علي قوه العضلات أمر مهم جدا
-مع وجود خشونة متقدمة بالمفصل بيبقي الحل الأساسي اجراء جراحه لكن للأسف كتير من المرضي بيكون عندهم مشاكل صحية تمنعهم من الخضوع لجراحه آمنه ودائما بيكون كلامي مع المرضي انه مش من اختصاصي ولا قدرتي كطبيب علاج الم القضاء على الخشونة والتلف بالمفصل، ولكن نقدر نشتغل سوا لعلاج الألم الناتج والسماح بحيز مقبول من الحالة الوظيفية
-بيفضل الموقف ده واحد من المواقف اللي بتساهل فيها في وصف ادويه المورفين بداية من العناصر الأضعف زي الترامادول للأقوى في صوره لازقه زي عقار البيوبرينورفين نظرا لصفاته المميزة بالمقارنة بأدوية المورفين الأخرى طبعا ده جنبا لجنب مع المسكنات البسيطة.
-كتير من المرضي في المرحلة دي بيكونوا بالفعل اجروا حقن كورتيزون بالمفصل اكتر من مره ومابقاش بيساعد في احتواء الألم وهناك ما يسمي بالطب التجديدي زي مثلا حقن البلازماالغنيه بالصفائح اللي في أفضل حالتها غير مدعومة بدليل علمي قوي وفي الخشونه المتأخرة لا يوجد مجال لاستخدامها.
يظل الاجراء التدخلي اللي بقدمه لمرضاي هو ازاله الاعصاب المغذية لمفصل الركبة باستخدام التردد الحراري بعد عمل حقن تشخيصي ناجح تحت تأثير مهدئ و ده اجراء بيساعد في الألم لمده قد تصل ل ٦ شهور وممكن تكرار الاجراء عند الحاجة
-تظل الواقعية في توقعات المريض والاستمرار في التفكير بشكل إيجابي والاهتمام بالتأهيل و المحافظة علي الوزن عوامل شديده الأهمية في هذه الحالة